|
|
Mater dei salus rei Indefessa nos regendo nos tuendo nunquam cessa | Mater casta semper asta supplicando gregem istum apud Christum commendando | Mater bona et matrona roga prolem ut nostrorum peccatorum tergat molem | Mater justa et onusta novo flore fer levamen et solamen tuo more | Mater mitis verae vitis ora natum ut solvatur, quod ligatur per reatum | Mater cara iter para nobis tutum te petimus quamvis simus molle lutum | Mater alma velut palma potens alta in profundo mersos fundo duc ad alta | Mater prolem stella solem interpella ut interna et externa premat bella | Mater serva cum caterva locum istum exoptamus et rogamus propter Christum | Mater orbis confer morbis medicinam spes cunctorum miserorum post ruinam | Mater munda sic emunda nos a faece ne damnemur sed salvemur tua prece | Mater pia o Maria te rogamus ut ablato jam peccato gaudeamus | Mater ave mater salve mater nostri miserere miserere miserere |
Sq |
De BMV |
|
|
|
O Maria mater pia stella maris fulgida | Mater alma Dei sponsa summi regis filia | .. |
Sq |
De BMV |
|
|
|
Salve mater magne prolis per quam jubar summi solis obscuris emicuit | Salve virgo maris stella per quam sedatur procella mortis et evanuit | .. |
Sq |
De BMV |
|
|
|
Salve virgo maris stella Salve verbi Dei cella Salve mater gloriae | Salve vellus Gedeonis novi rore Salomonis madefactum gratiae | .. |
Sq |
De BMV |
|
|
|
Salve virgo regia Mundi salus unica | Tu Dei summi genitrix Maria Omnium dominarum est domina | .. |
Sq |
De BMV |
|
|
|
Salve virgo sacra parens verbi Dei pare carens in sexu femineo | Cujus idem est ex alvo mundo natus tamen salvo pudore virgineo .. |
Sq |
De BMV |
|
|
|
Stellam maris attendamus qui transire decertamus Babylonis flumina | Haec ut nostram indefesse cymbam regat est necesse per fluctus et fulmina | .. |
Sq |
De BMV |
|
|
|
Te honorant superi matrem omnis gratiae | Ad te clamant miseri de valle miseriae | Audi preces terge fletus nos commenda filio | Ut nos tua prece suo collocet in solio O Maria |
Sq |
De BMV |
|
|
|
Ave virgo virga Jesse per quam patris verbum esse nostrum nosse voluit | Assumendum carnem puram non declinans creaturam per quam pati potuit | .. |
Sq |
De BMV |
|
|
|
Ave mulier sole rutilior caelsa per aethera | Tecum filium caelo sublimior patres in dextera | .. |
Sq |
De BMV |
|
|
|
Virgo mitis mater pia flore fragrans o Maria in caelesti patria Jubar mundi fons hortorum interventrix peccatorum in virtute atria Rosa caeli singularia in procella stella maris dona portum gratiae Grata virgo Assueri gratus Joseph veri reple potum gloriae Arce spicae pharaonis ut referem septem donis te signant veraciter Mater veri Salomonis madens vellus Gedeonis riga mentes jugiter Ardens rubus incombustus ad te currit omnis justus illustratur lumine Roga Jesum ex te natum in salutem mundo datum ut nos ditet flamine Jucundaris et laetaris et cum sanctis gloriaris plena dei gratia Ave sponsa o beata supra choros exaltata angelorum domina Esto nostra advocata caritate tota lata stellato platatio Sursum ducas o Maria nos ad Christum qui est via sine spatio |
Sq |
De BMV |
|
|
|
Ave stella matutina plena gratia divina (..) |
Sq |
De BMV |
|
|
|
Jesu fili summi Patris Jesu fili sanctae matris et intactae virginisi Qui de caelo descendisti et descendens induisti veri formam hominis |
HV |
De BMV |
|
|
|
Genitricis pia prece nos a luto nos a faece peccatorum ablue Et concede vitam puram et da pacem permansuram et salutem tribue |
HV |
De BMV |
|
|
|
O Maria maris stella plena gratiae mater simul et puella vas munditiae | Templum nostri redemptoris sol justitiae porta caeli spes reorum thronus gloriae | Sublevatrix miserorum vena veniae audi servos te rogantes mater gratiae | Ut peccata sint oblata per te hodie qui te puro laudant corde in veritate |
Sq |
De BMV |
|
|
|
O Maria virgo dia Trinitatis scrinium | O benigna laude digna castitatis lilium | Stella maris appellaris portus naufragantium | Legis glosa vernans rosa sinus paenitentium | Spes sanctorum dux caecorum claudorum vehiculus | Odor floris flos pudoris sitientum rivulus | Vas virtutum cor imbutum nobis laudem tribuas | Vox raucrum tu nostrorum raucitatem deleas | Ut clangore et amore oris et mentaliter te laudare et amare possimus perenniter | Noster chorus te sonorus spes collaudat unica nam te pia laus Maria voce decet publica | Virgo Jesse nostram esse te fautricem petimus | Ora patrem nam te matrem nobis addit optimus | Hora mortis d aut fortis sit cordis contritio | Ne damnemur sed laetemur in caeli palatio |
Sq |
De BMV |
|
|
|
Salve caelorum regina salve dulcis et inclina nostris aurem precibus | Plena virtute divina salve salutem propina tuis his supplicibus | .. |
Sq |
De BMV |
|
|
|
Gaude virgo mater Dei gaude nostrum gaudium | Gaude summa nostrae spei gaude virgo virginum | Gaude cujus redemptorem ediderunt viscera | Gaude cujus salvatorem lactaverunt ubera | Gaude vitae reparatrix gaude plena gratia | Peccatorem mediatrix gaude Sion filia | Gaude maris stella portus naufragantis saeculi | Nostri consolatrix luctus gaude salus populi | Tu nos tecum fac gaudere IN EXCELSIS |
Tp |
De BMV |
|
|
|
Flos de spina procreatur et flos rore fecundatur fructum vitae proferens | Inter spinas rosa crescit sed spineti dolum nescit flos prae cunctis redolens | Haec est Evae de radice virgo nata peccatrice prima carens vitio | Sec radicis noxam gerit sed in illa noxa perit fecundata alio | Haec est virgo virginum.. |
Sq |
De BMV |
|
|
|
Mirae jubar pietatis micans sidus honestatis lux decora caritatis est virgo Maria | Virtus vera castitatis tollens zima vetustatis ut ignara novitatis innovetur via | .. |
Sq |
De BMV |
|
|
|
Salve templum trinitatis deifice (etc.). |
Sq |
De BMV |
|
|
|
Rex caeli et terrae nolens ultra ferre mittit ad virginem per fortitudinem spem vitam hominum. Haec salutatio vera perfectio saluti congruit dum virgo protulit calestem Dominum. Mutavit naturam caelestis arbiter humanam figuram adiunxit pariter suae deitati. Salvavit facturam natus viriliter omnem nocituram fugavit fortiter reddens sanitati. Fortis prosiliens ex membris virginis carnem conficiens miseri hominis factor gloriosus. Votum abiciens tenoris veteris normam conficiens novis ex liters forma speciosus. Dum ave protulit angelus virgini hoc fetum detulit matri et virgini casto in gremio. Attende pudica audi mirifica verba angelica te virtus caelica umbrat in utero. Placet haec unio flori virgineo rosa cum lilio gaudet de filio regnante in solio. Erunt solacia in caeli patria tolluntur vitia per mundi spatia nam datur gratia. Ubi trinus regnas et solus gubernas ibi constituas miserans animas in caeli palatio. |
Sq |
De BMV |
|
|
|
Mariae laus et amor pater pie eleison | Virginis o fili Mariae eleison | Mariae fecundator sanctum flamen eleison | Christe Mariae risus felix eleison | Mater prolis Mariae salus vera eleison | Mariae matris fructus et flos eleison | Mariae spiritus alme eleison | Distributor gratiarum paraclite eleison | Mariae inhabitatrix trinitatis | Nos ejus ministros clemens inhabita | Ob amorem tantae matris nostri semper eleison |
Ky |
De BMV |
|
|
|
Pater pie factor Mariae eleison | Et qui fecisti hanc matrem Christi virginem eleison | Per virginem salvans hominem eleison | Fili sine matre genite de patre eleison | [Fili] sine patre nate de matre eleison | Fili virginalis honor spiritalis eleison | Spiritus egregiam qui perlustras Mariam eleison | Mariae consolator clemens sanctificator verax amator virginis eleison | Angelorum civibus qui praefers hanc omnibus tu nobis orantibus eleison |
Ky |
De BMV |
|
|
|
Mariam concrepet vocum concordia | Quae lucis radio respersit omnia | Dum Christum peperit repleta gratia | Vi tacta numinis veste sub alia | Sunt legis veteris plena mysteria | Non igni tradita rubi substantia | Dans florem virgula natura nescia | Stirpis Daviticae sunt signa propria | Quam donantem saeculo spiritale manna | Congaudemus pariter dicentes OSANNA IN EXCELSIS |
Tp |
De BMV |
|
|
|
Splendor patris tuae matris gaudentes de gloria | Duc ad laeta sine meta post haec transitoria | Moysi rubus Gedeonis vellus et nucifera | Aaron virga Salomonis thronus et lucifera | Stella maris ut solaris clara lux egreditur | Heac est una velut luna quae decora creditur | Haec ascendit virga fumi pulvis pigmentarius | Quam effecit universis qua nil Deo carius | Haec ascendit de deserto cunctis carens vitiis | Enixa super delictum affluens deliciis IN EXCELSIS |
Tp |
De BMV |
|
|
|
Laude canora fulgescit Mariae memoria | Quae est sonora salutis humanae symphonia | Virginum tu speculum qui per omne saeculum decet laus et gloria | Fac tuis nos precibus nos caeli jungi civibus in aeterna patria | Regina clementissima sanctarum sanctissima tua prece continua nostra dele peccamina | Intacta Dei genitrix opem ferto miseris et precando prospera cuncta repelle noxia | Riga supplicamus arva pectoris intima | Jugi prece piissima
psallentes visita | Et tua per merita te laudantes laetifica IN EXCELSIS |
Tp |
De BMV |
|
|
|
AGNUS Factus homo sumpta de virgine carne Maria MISERERE | AGNUS Quem genuit mater sine patre pater sine matre MISERERE | AGNUS Virginis auxilio propulsis hostibus omne DONA NOBIS PACEM |
Tp |
De BMV |
|
|
|
AGNUS Gloriosa spes reorum virgo more instrue o Maria fons hortorum lugi stilla difflue MISERERE | AGNUS Mundans lepram vitiorum hostis fraudes dissue nos virtute beans morum luto servos exue MISERERE | AGNUS Virgo tutrix pupillorum mentis sordes exue a contactu peccatorum circumventos erue DONA NOBIS |
Tp |
De BMV |
|
|
|
Ave Maria gratia plena | Dominus tecum virgo serena | Benedicta tu in mulieribus quae peperisti pacem hominibus et angelis gloriam | Et benedictus fructus ventris tui qui coheredes ut essemus sui nos fecit per gratiam | Per hoc autem ave mundo tam suave contra carnis jura | Genuisti prolem novum stella solem nova genitura | Tu parvi et magni leonis et agni salvatoris Christi templum extitisti sed virgo intacta | Tu floris et roris panis et pastoris virginum regina rosa sine spina genetrix es facta | Tu civitas regis justitiae tu mater es misericordiae de lacu faecis et miseriae Theophilum reformans gratiae | Te collaudat caelestis curia tu mater es regis et filia per te reis donatur venia per te justis confertur gratia | Ergo maris stella verbi dei cella et solis aurora | Paradisi porta per quem lux est orta natum tuum ora | Ut nos solvat a peccatis et in regno claritatis quo lux lucet sedula collocet per saecula |
Sq |
De BMV |
|
|
|
Ave mundi spes Maria ave mitis ave pia ave plena gratia | Ave virgo singularis quae per rubum designaris non passum incendia | Ave rosa speciosa ave Jesse virgula | Cujus fructus nostri luctus relaxavit vincula | Ave cujus viscera contra mortis foedera ediderunt filium | Ave carens simili mundo diu flebili reparasti gaudium | Ave virginum lucerna per quam fulsit lux superna his quos umbra tenuit | Ave virgo de qua nasci et de cujus lacte pasci rex caelorum voluit | Ave gemma caeli luminarium | Ave sancti spiritus sacrarium | O quam mirabilis et quam laudabilis haec est virginitas | In qua per spiritum facta paraclitum fulsit divinitas | O quam sancta quam serena quam benigna quam amoena esse virgo creditur | Per quam servitus finitur porta caeli aperitur et libertas traditur | O castitatis lilium tuum precare filium qui salus est humilium | Ne nos pro nostro vitio in districto judicio subjciat supplicio | Sed nos tua sancta prece mundans a peccati faece collocet in lucis domo | Amen dicat omnis homo
|
Sq |
De BMV |
|
|
|
Hodiernae lux diei celebris in matris dei agitur memoria | Decantemus in hac die semper virginis Mariae laudes et praeconia | Omnis homo omni hora ipsam ora et implora ejus patrocinia | Psalle psalle nisu toto cordis oris voce voto ave plena gratia | Ave domina caelorum inexperta viri torum parens paris nescia | Fecundata sine viro genuisti more miro genitorem filia | Florens hortus austro flante porta clausa post et ante via viris invia | Fusa caeli rore tellus fusum Gedeonis vellus deitatis pluvia | Salve decus firmamenti tu caliginosae menti desuper irradia | Placa mare maris stella ne involvat nos procella et tempestas obvia |
Sq |
De BMV |
|
|
|
Salve mater salvatoris vas electum vas honoris vas caelestis gratiae | Ab aeterno vas provisum vas insigne vas excisum manu sapientiae | Salve verbi sacra parens flos de spina spina carens flos spineti gloria | Nos spinetum nos peccati spina sumus cruentati sed tu spinae nescia | Porta clausa fons hortorum cella custos unguentorum cella pigmentaria | Cinnamomi calamum myrrham thus et balsamius superas fragrantia | Salve decus virginum mediatrix hominum salutis puerpera | Myrtus temperantiae rosa patientiae nardus odorifera | Tu convallis humilis terra non arabilis quae fructum parturiit | Flos campi convallium singulare lilium Christus ex te prodiit | Tu caelestis paradisus Libanusque non incisus vaporans dulcedinem | Tu candoris et decoris tu dulcoris et odoris habes plenitudinem | Tu thronus et Salomonis cui nullus par in thronis arte vel materia | Ebur candens castitatis aurum fulvum caritatis praesignant mysteria | Palmam praefers singularem nec in terris habes parem nec in caeli curia | Laus humani generis virtutum prae ceteris habes privilegia | Sol luna lucidior et luna sideribus sic Maria dignior creaturis omnibus | Lux eclipsim nesciens virginis est castitas ardor indeficiens immortalis est caritas | Salve mater pietatis et totius trinitatis nobile triclinium | Verbi tamen incarnati speciale majestati praeparas hospitium | O Maria stella maris dignitate singularis super omnes ordinaris ordines caelestium | In supremo sita poli nos commenda tuae proli ne terrores sive doli nos supplantent hostium | In procinctu constituti te tuente simus tuti pervicacis et versuti tuae cedat vis virtuti dolus providentiae | Jesu verbum summi patris serva servos tuae matris solve reos salva gratis et nos tuae claritatis configura gloriae |
Sq |
De BMV |
|
|
|
O Maria stella maris pietate singularis pietatis oculo | Nos digneris intueri ne cuncteris misereri naufraganti saeculo | In hac valle lacrimarum nihil dulce nihil carum suspecta sunt omnia | Quid hic nobis erit tutum cuni nec ipsa vel virtutum tuta sit victoria | Caro nobis adversatur mundus carni suffragatur in nostram perniciem | Hostis instat nos infestans nunc se palam manifestans nunc occultans rabiem | Et peccamus et punimur et diversis irretimur laquis venantium | O Maria mater dei tu post deum summa spei tu dulce refugium | Tot et tantis irretiti non valemus his reniti nec vi nec industria | Consolatrix miserorum suscitatrix mortuorum mortis rumpe retia | Intendentes tuae laudi nos attende nos exaudi nos a morte libera | Quae post Christum prima sedes inter Christi coheredes Christo nos adnumera | Jesu mitis et benigne cujus nomen est insigne dulce salutiferum | Munus nobis da salutis in defectu constitutis plenitudo munerum | Pater fili consolator unus deus unus dator multiformis gratiae | Solo nutu pietatis fac nos simplae trinitatis post spem frui specie |
Sq |
De BMV |
|
|
|
Ave mater Jesu Christi quae de caelo concepisti non carnis commercio | A contactu viri pura concepisti paritura gaudium cum gaudio | Peperisti medicinam non humanam sed divinam pereunti saeculo | Totus mundus in laguore totus erat in dolore totus in periculo | Mundi languor error ejus quo languore nihil peius nihil tam pestiferum | Hostis totum possidebat quia totus defluebat per abrupta scelerum | Nondum semen venerat quod nobis promiserat deus ab initio | Semen ex muliere sine carnis opere sine matris vitio | Mulier eligitur cujus serpens nititur pungere calcaneum | Sed fortis et sapiens hosti non consentiens praecavet aculeum | Caput anguis haec contrivit cujus carni counivit se majestas filii | Sexus ante fragilis sexus seductibilis vires frangit impii | Ave virgo gloriosa plus obrizo pretiosa fragrans super lilia | Tibi cedit laus herbarum florum decor et gemmarum Libanique gloria | O Maria maris stella pro conservis interpella jugi prece filium | Quia jugis est assultus jugis noster est singultus et juge suspirium | Te preces te suspiria te nostri tangant gemitus tu virtutis potentia nequam refrena spiritus | Ne carnis nos lubricitas resolvat in flagitia nec mundi juvet vanitas Christi juvante gratia |
Sq |
De BMV |
|
|
|
Res est admirabilis virgo venerabilis parit sed intacta | Operante spiritu sine viri coitu genetrix est facta | Cardine de supero rore salutifero venter fecundatur | Peperit fecunditas et sacra virginitas integra servatur | Sicut ros in gramine descendit in virgine verbum summi patris | Patrem non deseruit et mortalem induit formam alvo matris | Sicut terram pluvia sic divina gratia virginem fecundat | Sanctus eam spiritus a peccato penitus abluit et mundat | Non est opus hominis sed est opus numinis et magnae virtutis | Quae virum non noverat concipit et generat auctorem salutis |
Sq |
De BMV |
|
|
|
Jesse proles quibus doles leva moles criminum | Mater solis carens dolis lux in polis siderum | |
Sq |
De BMV |
|
|
|
Regina mundi dignissima Maria virgo perpetua intercede pro nostra pace et salute quae genuisti Christum dominum salvatorem omnium |
Cm |
De BMV |
|
|
|
Dei genitrix virgo semper Maria intercede pro nobis deprecamur |
CmV |
De BMV |
|
|
|
Audi filia et vide et inclina aurem tuam quia concupivit rex speciem tuam |
InR |
De BMV |
|
|
|
Salve sancta parens enixa puerpera regem qui caelum terramque regit in saecula saeculorum |
In |
De BMV |
|
|
|
Zdráva svatá rodice (...) |
In |
De BMV |
|
|
|
Virgo dei genetrix quem totus non capit orbis in tua se clavsit viscera factus homo |
InV |
De BMV |
|
|
|
Sentiant omnes tuum adjuvamen quicumque celebrant tuam commemorationem |
InV |
De BMV |
|
|
|
Sentiavit omnes tuum levamen (...) |
InV |
De BMV |
|
|
|
Post partum virgo inviolata permansisti dei genetrix intercede pro nobis |
InV |
De BMV |
|
|
|
Eructavit cor meum verbum (...) |
InV |
De BMV |
|
|
|
Que gaudium hominis ... |
InV |
De BMV |
|
|
|
Benedicta et venerabilis es virgo Maria quae sine tactu pudoris inventa es mater salvatoris |
Gr |
De BMV |
|
|
|
Virgo dei genetrix quem totus non capit orbis in tua se clausit viscera factus homo |
GrV |
De BMV |
|
|
|
Virgo casta nobis asta ne nos trucidat demonis hastra o benigna laude digna Maria sanctissima dei genetrix quem totus non capit orbis in tua se clausit viscera factus homo |
GrV |
De BMV |
|
|
|
Alleluia Post partum virgo inviolata permansisti dei genetrix intercede pro nobis |
Al |
De BMV |
|
|
|
Alleluia Ave Maria gratia plena dominus tecum benedicta tu in mulieribus |
Al |
De BMV |
|
|
|
Gaude Maria Virgo cunctas haereses sola interemisti |
Tc |
De BMV |
|
|
|
Quae Gabrielis Archangeli dictis credidisti |
TcV |
De BMV |
|
|
|
Dum virgo deum et hominem genuisti et post partum virgo inviolata permansisti |
TcV |
De BMV |
|
|
|
Dei genetrix intercede pro nobis |
TcV |
De BMV |
|
|
|
Alleluia Virga Jesse floruit virgo deum et hominem genuit pacem terris reddidit qui poli suma condidit orate |
Al |
De BMV |
|
|
|
Beata viscera Mariae virginis quae portaverunt aeterni patris filium |
Cm |
De BMV |
|
|
|
Eructavit cor meum verbum bonum dico ego opera mea regi |
CmV |
De BMV |
|
|
|
Ave regina caelorum mater regis angelorum o Maria flos virginum velut rosa velut lilium funde preces ad dominum pro salute fidelium |
Cm |
De BMV |
|
|
|
Virgo dei genetrix quem totus non capit orbis in tua se clausit viscera factus homo |
InV |
De BMV |
|
|
|
Alleluia Quae est ista tam formosa pulchra ut luna electa ut sol terribilis ut castrorum acies ordinata
|
Al |
De BMV |
|
|
|
Alleluia Veni electa mea et ponam te in thronum meum quia concupivit rex speciem tuam |
Al |
De BMV |
|
|
|
Alleluia Ora pro nobis pia virgo Maria unde Christus natus est nobis pro peccatoribus sis miserta |
Al |
De BMV |
|
|
|
Alleluia O virga mediatrix sancta viscera tua mortem superaverunt et venter tuus omnes creaturas illuminavit in pulchro flore de suavissima integritate clausi pudoris tui orto |
Al |
De BMV |
|
|
|
O virga ac diadema purpurae regis quae es in clausura tua sicut lorica tu frondens floruisti in alia vicissitudine quam Adam omne genus humanum produceret ave ave de tuo ventre alia vita processit qua Adam filios suos denudaverat o flos tu non germinasti de rore nec de guttis pluviae nec aer desuper te volavit sed divina claritas in nobilissima virga te produxit o virga floriditatem tuam deus in prima die creaturae suae praeviderat et de verbo suo auream materiam o laudabilis virgo fecit o quam magnum est in viribus suis latus viri de quo deus formam mulieris produxit quam fecit speculum omnis ornamenti sui et amplexionem omnis creaturae suae inde concinunt caelestia organa et miratur omnis terra o laudabilis Maria quia deus te valde amavit o quam valde plangendum et lugendum est quod tristitia in crimine per consilium serpentis in mulierem fluxit nam ipsa mulier quam deus matrem omnium posuit viscera sua cum vulneribus ignorantiae decerpsit et plenum dolorem generi suo protulit sed o aurora de ventre tuo novus sol processit qui omnia crimina Evae abstersit et majorem benedictionem per te protulit quam Eva hominibus nocuisset unde o salvatrix quae novum lumen humano generi protulisti collige membra filii tui ad caelestem harmoniam |
Sq |
De BMV |
|
|
|
O viridissima virga ave quae in ventoso flabro sciscitationis sanctorum prodisti cum venit tempus quod tu floruisti in ramis tuis ave ave sit tibi quia calor solis in te sudavit sicut odor balsami nam in te floruit pulcher flos qui odorem dedit omnibus aromatibus quae arida erant et illa apparuerunt omnia in viriditate plena unde caeli dederunt rorem super gramen et omnis terra laeta facta est quoniam viscera ipsius frumentum protulerunt et quoniam volucres caeli nidos in ipsa habuerunt deinde facta est esca hominibus et gaudium magnum epulantium unde o suavis virgo in te non deficit ullum gaudium haec omnis Eva contempsit nunc autem laus sit altissimo |
Sq |
De BMV |
|
|
|
Alleluia Ave sancta Maria caeli regina mundi et domine suscipe tuorum de notas laudes servorum |
Al |
De BMV |
|
|
|
Alleluia o Maria summum caeli gaudium et spes in te credentium o virginum Maria alleluia alleluia tibi canentes subleva tu rutilans aurora rubens rosa delicatum lilium Maria candens lilium placa tuum filium o dulcis et formosa alleluia alleluia tibi canentes subleva tu rutilans aurora dulcis mitis et formosa summum caeli gaudium ut petas auxilium nobis post hoc exsilium tu mundi luminosa alleluia alleluia tibi canentes subleva tu rutilans aurora tu stella Christi lucida tu vitis copiosa exaudi nos miseros et ora pro nobis pia et perduc nos ad filium tuum virgo Maria |
Al |
De BMV |
|
|
|
Alleluia Subveni mater pia ora dominum filium tuum pro populo suo ex te enim nasci nobis dignatus es |
Al |
De BMV |
|
|
|
Alleluia Dulcis mater dulcinato dulcia prebeus ubera que sola fuisti digna generare regem caelorum et hominum |
Al |
De BMV |
|
|
|
Alleluia Maria dei genetrix et virgo perennis intercede pro nobis |
Al |
De BMV |
|
|
|
Laus tibi Christe filio Mariae nobis assiste precamur in hac die cottidie rex pie respice et preces nostras as te dirige |
Tc |
De BMV |
|
|
|
Alleluia Salve dulcis o Maria que es stella matutina rosa florens sine spina tuum pro nobis roga filium ut sanctorum in aeternum nobis donet consortium |
Al |
De BMV |
|
|
|
Alleluia Recole virgo Maria a virginem parituram quam in Isaia legisti et gaude quia tu esse meruisti gaude virgo mater gaude et pro nobis intercede |
Al |
De BMV |
|
|
|
Alleluia Ab arce siderea Gabriel intonuit verbum missum divinitus Mariae continuit Ait illa sum ancilla puella humillima Regis hujus defers cujus mandata (...) |
Al |
De BMV |
|
|
|
Gaude Maria terra |
Sq |
De BMV |
|
|
|
Gaude mater aeterni |
Sq |
De BMV |
|
|
|
Imperatrix supernorum (...) |
Sq |
De BMV |
|
|
|
O celebrando veneremus* |
Sq |
De BMV |
|
|
|
Alma dei genetrix succurre peccantibus cunctis nos quoque una precamur supplices ut tuis praecibus adjuti laudemus trinitatem |
Cm |
De BMV |
|
|
|
Alleluia Salve virga florens Aaron salve tu firmata in Sion salve decora tu pro nobis semper ora |
Al |
De BMV |
|
|
|
Alleluia Regina misericordiae sancta Maria clarissima maris stella ora pro nobis o clemens o pia o dulcis Maria |
Al |
De BMV |
|
|
|
Sancta dei genetrix virgo semper Maria intercede pro nobis alleluia |
Cm |
De BMV |
|
|
|
Vera fides geniti purgavit crimina mundi et tibi virginitas inviolata manet |
Cm |
De BMV |
|
|
|
Ave dulce per quod mundus liber ave fit et mundus depromat ecclesia | Illlud ave per quod ave liberatur est hoc ave ave plena gratia | Ave solo soli nubis stella maris sola nubis et eclipsis nescia | Soli sola nubis soli et sol solus ubi soli in carnis substantia | Nulla valet salutari tam salubri salutari nisi virgo virginum | Ergo sola salutaris digne mater salutaris salvatoris hominum | Det te quisquam salutare nos proferre salutare valet hoc salubrius | Signa praebent tante rei salvi facti Lausi rei clamantes ad Aeneius | Incarnatum vere prodit verbum quod sic de te prodit ut de sole radius | Jure suo mundus usus mox stupescit stupet usus quod sic prodit filius | Tuo nato mater laudes nos laudantes tuas laudes et laudum praeconium | Et pro nobis hunc salutes ut per laudes et salutos des nobis propitium amen |
Sq |
De BMV |
|
|
|
Caeli iam puditiae flori matrique |
Sq |
De BMV |
|
|
|
Benedicta semper sancta sit Maria regia scilicet cum prole mirabili edita. |
Sq |
De BMV |
|
|
|
Inviolata intacta et casta es Maria | Quae es effecta fulgida caeli porta | O mater alma Christi carissima | Suscipe pia laudum praeconia | Nostra ut pura pectora sunt et corpora | Quae nunc flagitant devota corda et ora | Tu da per precata dulcissona | Nobis concedas veniam per saecla | O benigna quem sola inviolata permansisti |
Sq |
De BMV |
|
|
|
Alleluia Dulcis virgo dulcis mater dulcia ferens ubera que sola vocari digna meruisti regina caelorum et hominum |
Al |
De BMV |
|
|
|
Alleluia Dulcis virgo dulcis mater dulcia ferens ubera que sola fuisti digna lactare regem caelorum et dominum |
Al |
De BMV |
|
|
|
Ave nostra domina (...) |
Sq |
De BMV |
|
|
|
Alleluia Imperatrix reginarum et salvatrix animarum pretiosa margarita rosa gelu non attrita mater Dei virgo pia ora pro nobis Maria |
Al |
De BMV |
|
|
|
Alleluia Surge aquilo et veni auster perfla ortum meum et fluent aromata illius |
Al |
De BMV |
|
|
|
Alleluia Ave plena gratia benedicta Maria dominus tecum |
Al |
De BMV |
|
|
|
Alleluia Te laudant angeli sancta dei genetrix quae virum non cognovisti et in tuo utero dominum bajulasti |
Al |
De BMV |
|
|
|
Alleluia Felix mater et virgo reple tuorum vota fidelium et tui honoris laudes attende |
Al |
De BMV |
|
|
|
Alleluia Dulcis virgo dulci nato dulcia prebens ubera que sola fuisti digna portare regem caelorum et dominum |
Al |
De BMV |
|
|
|
Alleluia Salve virgo Dei mater templum sancti spiritus quae sola vocare digne meruisti regina caelorum et domina |
Al |
De BMV |
|
