Genre:
Full text:
Aeterne rerum conditor noctem diemque qui regis et temporum das tempora ut alleves fastidium | Nocturna lux viantibus a nocte noctem segregans praeco diei jam sonat jubarque solis evocat | Hoc excitatus Lucifer solvit polum caligine hoc omnis erronum cohors viam nocendi deserit | Hoc nauta vires colligit pontique mitescunt freta hoc ipsa petra ecclesiae canente culpam diluit | Surgamus ergo strenue gallus jacentes excitat et somnolentos increpat gallus negantes arguit | Gallo canente spes redit aegris salus refunditur mucro latronis conditur lapsis fides revertitur | Jesu labantes respice et nos videndo corrige se respicis labes cadunt fletuque culpa solvitur | Tu lux refulge sensibus mentisque somnum discute te nostra vox primum sonet et vota solvamus tibi | Deo patri sit gloria ejusque soli filio cum spiritu paraclito nunc et per omne saeculum | Amen
Feast:
Fulltext source:
EC-Qsf4; Breviarium Romanum (Rome 1632)
Notes:
Urban VIII revision (1632 breviary); cf. 008254 for an earlier standard version, which begins the same but has multiple differences
